Leamos, por favor!

Estes días estase a falar moito do Informe PISA 2006, no cal, por pouco que nos guste, lémbrannos que os/as alumnos/as de Secundaria deste país obteñen uns resultados bastante malos en matemáticas, ciencias e, sobre todo, lectura, en comparación cos/coas estudantes doutros 56 países (case nada!).

Ademais, chégase á conclusión de que o lugar ocupado por España dentro deste "ranking" a nivel mundial (nos tres casos moi por debaixo da media) é consecuencia, fundamentalmente, do escaso hábito de lectura da poboación, o que, á súa vez, inflúe no mal rendemento académico dos/as mozos/as noutras materias.

A verdade, non sei por que agora nos facemos cruces, cando isto mesmo o levabamos dicindo a maioría dos/as docentes dende hai moito tempo. É evidente que a falta de comprensión lectora é unha das principais causas do fracaso escolar, non só na Educación Primaria, senón tamén na Secundaria, xa que ninguén pode responder correctamente a unha cuestión ou resolver un problema se non entende que lle están a pedir.

Todo o mundo quere botar balóns fóra, de xeito que uns culpan aos outros. Mentres tanto, os/as bibliotecarios/as da maior parte dos colexios e institutos continuamos a depender da boa vontade do Claustro para que os Departamentos cedan unha parte do seu orzamento co que poder mercar libros que realmente lea o alumnado, xa que o material enviado de xeito gratuíto pola Administración poucas veces se adapta ás súas necesidades e, moito menos, aos seus gustos literarios.

Xa está ben de compararnos con Finlandia, Canadá ou Xapón!

Cando as persoas responsables do goberno deste país (dá igual quen sexa) recoñezan non só con palabras, senón tamén con asignacións económicas, o importante papel que xogan as Bibliotecas Escolares dentro da Educación, quizais as cousas comecen a cambiar.

E vós, rapaces/rapazas, se ata os Simpson ou Mortadelo e Filemón len, ¿por que non o facedes vós?

Ver: Mortadelo e Filemón na Biblioteca (1) e Mortadelo e Filemón na Biblioteca (2)

LEDE, POR FAVOR!

vía (A Nosa Biblioteca, El Documentalista Enredado)

A Música e os Dereitos Humanos

Os blogues das bibliotecas escolares galegas unímonos de novo. Este artigo publícase de forma colectiva.

FÍJATE BIEN (Juanes)

Te han quitado lo que tienes,

te han robado el pan del día,

te han sacado de tus tierras,

y no parece que termina aquí.

Despojado de tu casa,

vas sin rumbo a la ciudad,

sos el hijo de la nada,

sos la vida que se va.

Son los niños, son los viejos,

son las madres, somos todos, caminando,

y no te olvides de esto, no, no, no.

Fíjate bien donde pisas,

fíjate cuando caminas,

no vaya ser que una mina

te desbarate los pies, amor.

Fíjate bien donde pisas,

fíjate cuando caminas,

no vaya ser que una mina

te desbarate los pies...

Ya no sé quien es el dueño

de tu vida y de la mía,

sólo sé que hay un cuento

que no parece que termina aquí.

Como dicen en los diaros

y como dicen en la tele

y como dicen en la radio

que no parece que termina aquí.

Son los niños, son los viejos,

son las madres, somos todos, caminando,

y no te olvides de esto, no, no, no.

Fíjate bien donde pisas,

fíjate cuando caminas,

no vaya ser que una mina

te desbarate los pies (amor/por favor/amor)

Porque ellos no van a buscarte,

ellos no van a salvarte,

ellos no van, ellos no van, no, no,

y tu no lo vas a creer.

(vía A Nosa Biblioteca)

Concurso Postais de Nadal 2007

Como vén sendo habitual, o Concello de Barro convocara o pasado mes de setembro o Concurso de Postais de Nadal 2007, a través da súa Oficina de Información Xuvenil (ver aquí as bases do concurso).

As persoas gañadoras de dúas das categorías deste certame foron as nosas alumnas Ana Seijo Pardo e Patricia Ayudes García, ás cales queremos felicitar dende o blog da Biblioteca.

A continuación, podedes ver os seus traballos, pero se queredes coñecer a relación completa de premiados/as e as súas respectivas postais, non tedes máis que premer nesta ligazón.

A nova escravitude

Reproducimos agora, dividido en cinco partes, un dos programas Especial Noticias elaborado pola cadea Cuatro, no que se fala sobre os/as traballadores/as sen papeis que, cada vez en maior medida, están sendo explotados/as polos empresarios sen escrúpulos. Eles e elas son tamén escravos e escravas, aínda que moitas veces miremos cara a outro lado e intentemos non lle dar importancia á súa difícil situación.

Día Internacional para a Abolición da Escravitude

O artigo nº 4 da Declaración Universal dos Dereitos das Persoas, di así:

"Ninguén estará sometido á escravitude nin á servidume; a escravitude e a trata de escravos está prohibida en todas as súas formas"

Pois ben, onte, 2 de decembro, celebrouse o Día Internacional para a Abolición da Escravitude, co que se pretende lembrar a data na que a Asemblea Xeral da ONU aprobou o Convenio para a represión da trata de persoas e da explotación da prostitución allea (resolución 317(IV) ,de 2 de decembro de 1949).

Sabemos que son moitas as conmemoracións que teñen lugar ao longo do ano, pero queremos que sexades conscientes de que esta non é unha máis de tantas, pois aínda hoxe en día son milleiros de persoas e, sobre todo, de nenos e nenas, os/as que se ven sometidos/as a tratos vexatorios, que a maioría de nós non lles desexaríamos nin aos/ás nosos/as peores inimigos/as.

A continuación, amosámosvos un vídeo moi cortiño que quizais faga que vos paredes a pensar uns minutos sobre este tema:

Exposición de fotografías

O Concello de Barro convocara no mes de marzo o III Concurso Fotográfico "IMAXES DE BARRO", no cal podían participar persoas de todas as idades.
A profesora de Educación Plástica e Visual do instituto, Maite, decidiu que sería unha boa idea comezar o novo curso académico expoñendo no noso centro os traballos presentados polos/as alumnos/as a dito certame.

A exposición constou de mais de oitenta fotografías onde se trataron temas como a arquitectura, a paisaxe e a etnografía, por unha banda, e o tema do viño e a vendima, por outra.

Todos/as poidemos contemplar un conxunto de fotografías que, en xeral, destacaron pola súa calidade formal e artística, así como por ser, á vez, un fiel reflexo da paisaxe e do contorno do Concello de Barro.

Agora, se queredes, tamén vós as podedes contemplar:

Aprendendo a usar este blogue

En primeiro lugar queremos dar as grazas aos/ás nosos/as compañeiros/as doutros centros escolares e, especialmente, aos docentes responsables do blogue A Nosa Biblioteca, do IES As Mariñas de Betanzos, posto que as súas experiencias nos serviron de exemplo e axuda á hora de deseñar este. Dado que polo momento aínda somos novatos/as, quizais vos atopedes con moitas cousas que se poden corrixir, pero esperamos que sexades benevolentes.

Na parte principal da páxina iremos introducindo pequenos artigos (con fotografías e/ou vídeos, se é posible) que farán referencia a diversos temas, sempre relacionados coas bibliotecas, a lectura, a educación ou o noso entorno, en xeral. Calquera persoa que visite o noso blogue poderá engadir un comentario (se o desexa, anonimamente) a cada unha destas entradas, o cal sería de agradecer, pois nos encantaría saber se o imos facendo máis ou menos ben.

Pero o verdadeiro meollo do blogue está na columna lateral. Nela vos atoparedes con distintas seccións que, seguramente, vaian cambiando de aspecto a medida que pase o tempo.

Polo momento, tedes a posibilidade de ollar en Internet os catálogos de varias bibliotecas, (incluídas, por suposto, a do noso instituto e a municipal de Barro), consultar algúns dicionarios e enciclopedias virtuais e botar man duns cantos recursos educativos, que procuraremos ir actualizando, a fin de que vos sexan de utilidade para efectuar as vosas tarefas como estudantes. Tampouco nos esquecemos de que as cousas que se aprenden dun xeito entretido tardan máis en esquecerse, polo que vos iremos dando a coñecer unha serie de xogos interactivos que vos permitan aplicar o que se vos explica en clase.

Ademais estamos preparando outros cantos blogues, que tratarán sobre temas específicos (club de lectura, guías de lectura, últimas adquisicións e traballos de creación propia) nos que os/as visitantes teredes unha maior participación, posto que tamén poderedes crear entradas e facer suxestións.

Por último, mencionar que ogallá sexades moitos/as os/as que vos animedes a colaborar activamente coa Biblioteca nesta iniciativa, facendo comentarios, redactando artigos ou facilitándonos fotos e vídeos que poidamos publicar, porque isto facémolo sobre todo por vós e para vós.

Se o prefires, podes contactar connosco a través deste correo electrónico:

ies.barro.bibliobarro@blogger.com

Ola!

Este curso, as persoas encargadas da Biblioteca do I.E.S. de Barro vimos pisando forte, xa que queremos que, dunha vez por todas, os/as alumnos/as deste centro saiban o que se fai nela. Por este motivo e, tamén, porque non íamos ser menos que outros colexios e institutos, decidimos crear o noso propio blogue.

Supoño que a maioría xa sabedes o que é iso (¡que vos imos contar a vós sobre navegación por Internet os/as carrozas dos/as profes!); pero por se aínda queda algún/algunha despistado/a, enterádevos de que este blogue que hoxe estreamos, simplemente vai ser un espazo web no que se informará sobre aqueles acontecementos relacionados coa Biblioteca, as súas novidades, as actividades organizadas por ela ou por calquera departamento e, en xeral, sobre todo canto o que por aquí vaia pasando.

Evidentemente, tamén queremos que vós sexades protagonistas e que participides dando as vosas opinións sobre libros e actividades ou facéndonos suxestións para que a nosa biblio funcione mellor.

¡Veña, non sexas tímido/a e anímate a contactar connosco e a compartir as túas impresións! Seguro que entre todos/as conseguimos que esta aventura sexa un éxito.

E para comezar con bo pé, gustarianos que coñecésedes unha das citas máis fermosas relacionadas coa lectura, do escritor Ricardo León, e que reproducimos a continuación traducida ao galego e ilustrada cun debuxo de Carlos Badillo:

Os libros ensináronme a pensar, e o pensamento fíxome libre