30/3/08

Rayuelas

Como moitos xa teredes observado, Rayuelas é o último blogue creado no noso centro, sendo a súa autora Ana Gil, compañeira de Lingua e Literatura Castelás.

Escoller como nome do blogue o título da novela máis emblemática de Julio Cortázar non é unha coincidencia. En efecto, a través desta experiencia, esta profesora procura que os seus alumnos interactúen coa literatura e coa cultura, en xeral, en lugar de se limitar a ser meros espectadores ou receptores de información. E algo semellante, tamén, é o que no seu día pretendera conseguir o gran escritor arxentino coa súa innovadora obra, incitando ao lector a que non quedase pasivo fronte a ela, senón a que tomase parte activa na mesma, interpretando libremente o final da novela.

Se aínda non coñecedes o magnífico traballo desenvolvido por Ana e os seus "redactores de mirada indiscreta", non agardedes máis e visitade Rayuelas.


1 comentario:

ana dijo...

graciñas isabel, aunque lástima que tu discrección y tu excaso afán de exhibicionismo, implique que poca gente conozca tu trabajo en la biblioteca Unha aperta.